كاسىپورىننىڭ اشىلۋىندا سويلەگەن سوزىندە وبلىس اكىمىنىڭ ءبىرىنشى ورىنباسارى ايداربەك ساپاروۆ مينەرالدىق تىڭايتقىشتار اۋىل شارۋاشىلىعى داقىلدارىنىڭ ءتۇسىمىن 3-5 تسەنتنەرگە مولايتاتىنىن, الداعى ۋاقىتتا وسىنداي قۇرىلىمدار ءار اۋداندا بوي كوتەرەتىنىن جەتكىزدى.
«تايىنشا-استىق» فيرماسىنىڭ ديرەكتورى اناتولي رافالسكيدىڭ ايتۋىنشا تۇيىرشەكتەلگە تىڭايتقىش بەلگىلى ءبىر ۋاقىت ارالىعىندا دا عانا قولدانىلادى. ونىڭ وزىندە 30-40 پايىزدايى اۋادا بۋلانىپ كەتەدى. تىڭايتقىشتىڭ سۇيىتىلعان ءتۇرى ەكى جىل بويى سىناقتان وتكىزىلىپ, ەكونوميكالىق تيىمدىلىگى ابدەن زەرتتەلگەننەن كەيىن 50 ميلليون تەڭگەگە زاۋىت تۇرعىزۋعا شەشىم الىنعان. ونىڭ قۇرامىنداعى پايدالى قوسپالار, ماسەلەن, ازوت توپىراققا تولىعىمەن سىڭەدى. ارنايى تەحنيكانى دا قاجەت ەتپەيدى. بۇرىككىشتەر بولسا جەتكىلىكتى. گەربيتسيدپەن بىرگە كەز كەلگەن ۆەگەتاتسيالىق كەزەڭدە قولدانۋعا بولادى. زاماناۋي قوندىرعىلار رەسەيدەن اكەلىنگەن. كۇنىنە 100-120 توننا ءونىم وڭدەۋگە قاۋقارلى. وڭدەۋ ءادىسى قاراپايىم. ارنايى ەنگىزىلگەن باعدارلاماعا سايكەس قازاندىق ىسكە قوسىلىپ, سۋ قايناتىلادى.وعان كارباميد ارالاستىرىلىپ, اممياك سەليتراسى قوسىلادى. قاجەتتى قوسپالار دايىن بولعان سوڭ بوشكەلەرگە قۇيىپ الىنادى. ساپاسى جاقسى.
ماسكەۋلىك «ناگرو» كومپانياسىنىڭ كوممەرتسيالىق ديرەكتورى اندرەي گلازكو شارۋاشىلىقتاردا وسىنداي ۇلگىدەگى 25 شاعىن زاۋىت سالۋعا مۇددەلىلىك تانىتىپ وتىر.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
